Antiche preghiere gelesi
- Lurammulu ‘gne matina…
Viva Gesù lu cori amatu…
Quannu sona a campana…
Gesù a tutti chiama…
E nni chiama a unu a unu…
Ppì darini u pirdunu…
U pirdunu eni datu…
Viva Gesù saramintatu
- ‘Ndi ‘stu lettu
mi curcu iu,
cincu Santi aiu a llatu,
‘mmezzu c’eni u Signori Diu.
Iddu mi dissi,
Iddu mi scrissi,
ca la cruci mi facissi.
Dormi e riposa
nun pinsari
nudda cosa.
- San Giuanni
fu lu primu di l’Apostili
bbiatu.
Scavisu e nuru,
comu un pillirinu,
iva appressu
di sò patri.
So patri, Saccarina,
era ‘nu vecchiu,
ca un ci viria,
era ‘nu vecchiu
di cincucentanni,
cunciritimi…
‘sta razia
San Giuanni,
ccu lu libbru ca leggi
e leggi a passioni,
facemmo festa
e comunioni.
- Iu mu curcu ‘ndi stu lettu
e Maria tegnu ‘mpettu
iu dormu ed Idda vigghia
quannu voli mi rivigghia.
Iu mi curcu ppì durmiri
‘i stu sunnu pozzu muriri
e si un trovu ù cunfissuri
cunfissatimi Vui , o miu Signuri |